Bill Cosby a keda deklará kulpabel di abusá di un menor na e mansión di Playboy na 1975

LOS ANGELES – Bill Cosby ta den notisia negativo atrobe un biaha mas i e biaha aki un di su víktimanan a entamá un kaso sivil kontra su persona.
E víktima su nòmber ta Judy Huth ku na aña 1975 tabata un adolesente di 16 aña di edat ku Bill Cosby a tene relashon seksual kuné na e mansion di Playboy.
Bill Cosby (84) no tabata presente durante e oudiensia den Korte na Los Angeles miéntras ku Judy Huth si tabata presente huntu ku su abogadonan pa tende e veredikto di huradonan.
Huradonan a haña ku Bill Cosby tabata na altura ku Judy Huth tabata un menor di edat i asina mes a drog’é i duné alkohòl bebe pa despues tene relashon seksual kuné.
Den e kaso aki Judy Huth (64) a gana e kaso aki i ku Bill Cosby lo tin ku page $500.000 na daño i perwisio.
Ounke ku Bill Cosby ta ninga via su abogadonan ku e no a tene relashon seksual ku Judy Huth tabatin testigunan ku a testiguá na fabor di e víktima.
Aproksimadamente 60 muhé mayoria di nan aktrisnan i modelonan a kalifiká Bill Cosby komo un violador.