Biden tambe lo bai entiero di Reina Elisabeth II

WASHINGTON – Joe Biden durante su rueda di prensa di tur djabièrnè a anunsiá ku ela risibí invitashon di famia Real Britániko pa asistí na entiero di Reina Elisabeth II.
Tin indikashon ku te ainda no tin un fecha pa entiero di Reina Elisabeth II pero si outoridatnan ku ta enkargá ku asuntunan diplomatiko Britániko a invit’é huntu ku su kasa pa ta presente na e entiero.
Joe Biden a bisa ku ela yama Rei Charles III kaba pa dune su mas sentido pésame pa e fayesimentu di su mama.
Segun informashon ku a sali den prensa Britániko fecha di entiero di Reina Elisabeth II lo bai ta dia 19 di sèptèmber próksimo.
Joe Biden a bisa ku ela reuní kaba ku embahador Britániko na Washington pa informe ku elo asistí huntu ku Jill Biden na entiero di Reina Elisabeth II.