Biden ta respaldá: Firmemente solisitut di ingreso di Suesia i Finlandia pa OTAN

WASHINGTON – Joe Biden presidente di Merka tabatin lidernan di Finlandia i Suesia na Washington.
Despues ku Joe Biden a reuní ku Magdalena Andersson promé minister di Suesia i Sauli Niinistö presidente di Finlandia nan a sali huntu pa duna un rueda di prensa.
Primeramente Joe Biden a bisa ku ela keda sumando impreshoná ku e balentia Magdalena Andersson i Sauli Niinistö ku ta dispuesto pa defendé nan pais te na morto.
Ámbos lider a presentá ku prueba ku Vladimir Putin a menasa si nan mester bira miembro di OTAN lo bai tin reperkushon.
Presidente Joe Biden a manda un mensahe den direkshon bek pa Vladimir Putin indikando ku manera Suesia i Finlandia bira miembro di OTAN elo tin gana pa wak si Rusia lo ataka nan.
Esaki lo bai tin reperkushon grave pa Rusia ya ku e no ta hañe ku dos pais sino 30 pais ku ta bai sera kabes kontra di nan.
Joe Biden a bisa ku e mensahe aki no ta un atvertensia sino un menasa serio pa Vladimir Putin tene kuenta kuné.