Biden ta konsiderá: Pa redusi parti di e debe di fiansa di studiantenan universitario

WASHINGTON – Joe Biden presidente di Merka ta konsiderando pa redusi gran parti di debe di miónes di studiantenan Universitario ku tin fiansa serka gobiernu federal pa nan estudio.
E desishon di Joe Biden lo por keda hasi públiko awe mes durante dia despues di algun luna di debate interno ku su konseheronan di atministrashon.
E intenshon di Joe Biden ta si un studiante ku a haña trabou i ta gana ménos ku $125 mil pa aña nan lo haña un deskuento di $10.000.
Lokual ku Joe Biden kier hasi aki lo bai benefisiá 45 mion studiante ku a kaba di studia i ku ta trahando ne momentunan aki.
Chuck Schumer lider di partido Demokrata den Senado a sugerí pa presidente Biden yuda kada studiante ku a drenta forsa laboral un deskuento mas amplio.
Joe Biden a splika ku su desishon final lo keda disidí anunsiá awe durante dia.