Biden ta furioso ku ExxonMobil: Ku ta esnan responsabel ku preis di gasolin ta haltu asin’aki na Merka

LOS ANGELES – Joe Biden presidente di Merka tabata furioso kontra ehekutivonan di e kompania petrolero merikano ExxonMobil.
E motibu dikon Joe Biden ta asina furioso riba ehekutivonan di ExxonMobil ta debí ku nan ta keda mantené produkshon di petrolio abou pa asina preis di kombustibel sigi subi.
Esaki ta pone ku nan akshonnan di ExxonMobil tambe ta sigi oumentá riba Bolsa di balores.
Joe Biden a indika ku ExxonMobil komo e kompania petrolero merikano mas grandi ta ganando hopi plaka kaba i ku nan mester bai kuminsá tene kuenta ku e konsumidó ku a pone nan bira grandi asin’aki.
Ne momentunan aki preis di kombustibel na Merka ta aproksimadamente $ 5 pa galòn i si ExxonMobil no subi produkshon promé ku fin di luna lo bolbe oumentá te na $6.
Joe Biden a indika ku ta un abuso di poder i ku si nan mantené modus operandi di hasi negoshi aki elo bai pone preshon pa kuminsá kobra nan belasting mesora.
Ta trata aki di un menasa serio ku Joe Biden a hasi kontra ehekutivonan di ExxonMobil ku nan mester bai tene kuenta kuné.