Biblioteka Nashonal Kòrsou ta habrí na Fokkerweg mas chikí pero mas efisiente

WILLEMSTAD – Entrante 15 di ougùstùs, Biblioteka Nashonal Kòrsou ta opera for di Fokkerweg 17. Na e sitio aki por ofresé klientenan un miho servisio den un esfera mas relagante i moderno (aktualisá) pa e Biblioteka pa futuro.

Biblioteka Nashonal tabata den un edifisio ku tin mester di atenshon na e momentunan aki poniendo ku e no por duna e servisio manera mester ta, i pa e motibu aki Biblioteka Nashonal mester a mudá pa un edifisio ku por kumpli sigur ku algun di e eksigensianan di un Biblioteka den e era moderno.
Biblioteka ta keda e organo importante den edukashon di un komunidat, i awor sigur e Biblioteka ta hasi esaki den diferente forma tradishonal i moderno. Di e manera aki ta kumplí ku nos deber di keda informá i eduká nos komunidat.
Dia 15 di ougùstùs 2022 BNK ta habri su portanan bèk pa komunidat por fia fisikamente bukinan den nos rèki. Alabes tin e servisio di “Online Bibliotheek” di kual ku por fia buki digital via di nos sistema digital fasilitá pa Koninklijke Bibliotheek di Hulanda.
Keda pendiente pa tur aktividat edukativo ku nos di BNK ta bai tin durante di e siman di Ban Lesa 2022 di kual ku ta di 31 di òktober te ku 4 di novèmber 2022.
Pa mas informashon akudí riba wèpsait www.bnkcuracao.com òf nos Facebook di kual ta Biblioteka Nashonal Kòrsou.