Biblioteka a habri su portanan na su lokalidat nobo

WILLEMSTAD. Resientemente Biblioteka Nashonal Kòrsou (BNK) a habri su portanan na e edifisio nobo situá na Fokkerweg 17 / Schottegatweg Zuid 36 ku mas ora di servisio na pueblo di Kòrsou. E orario ta di djaluna te ku djabièrnè di 8or di mainta te ku 6or di atardi i djasabra di 9or di mainta te ku 6or di atardi. Biblioteka a ranka sali ku 2 kampaña ku ta dura te ku 30 di sèptèmber: bira miembro gratis i periodo di grasia. Birando miembro di Biblioteka bo tin e opshon èkstra pa fia buki gratis via di nos ‘Online Bibliotheek’, un servisio ku KB (Koninklijke Bibliotheek Nederland) ta ofresé nos. Biblioteka ta ofrese tur kliente ku bini BNK ku nan dispositivo, e posibilidat pa hasi uso pòrnada di e konekshon di WiFi. Riba imagen por tuma nota di apertura ku kolaboradornan di Biblioteka Nashonal Kòrsou.