Biba mas serka di Dios. Kon mi por logra yega asina leu?

Ora nos habri nos beibel na 1 Krónikanan 16: 11 nos ta lesa lo siguiente: “Puntra pa Señor, akudí na su poder, buska su kara tur ora bai”.

Ta algu hopi bunita si nos ke biba mas serka posibel di Dios. Mayoria di kreyente Kristian sa tin momentunan ku e deseo di biba mas serka di Dios ta hopi grandi. E deseo por manifestá su mes mas na momentu ku nos ta poko alehá for di dj’E. Sa sosodé tin biaha ku nos moda di biba no ta kompletamente segun boluntat di Dios. Sinembargo ta manera di un òf otro manera, por ta dor di kualkier akontesimentu Dios ta inspirá nos pa bolbe bèk riba e bon kaminda.