BETESDA I PRO BISTA ta bai konsierto “SIGUI PA DILANTI” ku yudansa di Curacao Suits Hotel i El Señorial

Willemstad – Habitantenan Betesda i klientenan/miembronan fundashon Pro Bista e keda sumamente kontentu na momentu ku nan a haña e bunita notisia ku nan tambe por bai e konsierto “Sigui Pa Dilanti” di Shamiro Anita gratis, ku yudansa di Curacao Suits Hotel i El Señorial.
Ku e bunita gesto aki Curacao Suits Hotel ta yuda e Habitantenan di Betesda i tambe klientenan / miembronan Pro Bista pa nan por bai disfruta di un Gran Konsierto kombina ku Shownan Espektakular djasabra awor. Normalmente ta hopi difisil pa e personanan aki por bai presensia un konsierto di e magnitut aki den PWFC sin yudansa yudansa finansiero.

Ku e gesto aki Curacao Suits Hotel i El señorial ta kontribui i duna oportunidat tambe na mas ku 70 musiko i artista for di mucha, hoben te ku adulto pa nan por presenta huntu ku Shamiro demostrando positivamente nan talento den musika, baile, drama, arte, etc. Asina tur e musiko i artistanan aki por sigui desaroya nan talento i tambe ta yuda pa Shamiro por sigui krea mas kantika positivo foral ku mensahenan di Dios. Ahinda falta yudansa sponsors paso tin mas gruponan di hoben, hende grandi i personanan deshabilita institutonan di entre otro Fundashon Sinta Ros ku tambe Shamiro a invita pa nan por bai presensia su Konsierto gratis.
Lo bai ta un anochi bendishona ku shownan espektakular pa henter famia disfrutá di dj’e, ku lo tuma luga djasabra awor 1 okober 2022 den e Auditorium di PWFC na post 5 di nPt 7.or pa 10.30 di anochi. Karchinan ya ta serka di kaba. https://www.youtube.com/watch?v=S3v6SmIc_MU

Fundashon Huntu Nos Ta Logr’e i Shamiro ta gradisi Dios na prome luga i ta yama danki na Curacao Suits Hotel, El Señorial, tur sponsers/donashon i na esnan ku a i ta dunando nan aporte pa hasi e konsierto aki posibel. Karchinan ta kabando i a sobra algun karchi na Mensing, Beep Beep, Kas di Beibel i 24 Uur Uit de Muur. Pesei kumpra bo karchi lihe prome ku nan kaba.