Bazar 5 desèmber 2021

Iglesia Atventista di Shete Dia Mundu Nobo huntu ku nan departamento di ACS (Servisionan na komunidat), ta organisá un tremendo Bazar dia 5 di desèmber 2021, for di 9’or di mainta te ku 1’or di atardi. Lo bai tin masha hopi artíkulo pa regalá, djis bini piki i bai kuné, pero segun bo nesesidat.
Tambe nos lo bai tin hopi artíkulo na benta manera paña pa dama, flus pa kabayero, paña pa mucha, buki, artíkulo di kas, mata i hopi kos mas.
Ku un kontribushon hopi chikitu di Naf 5,00, bo por yena bo saku i bai kuné. E meta di e kontribushon aki lo ta pa nos traha mas òf ménos 75 pakete di nesesidat pa un famia ku mas tin mester, dunando un aporte na e proyekto aki lo bo hasi un famia felis den e próksimo lunanan, pero sin bo yudansa esaki lo no ta posibel.
Tambe nos lo bai tin kos di boka dushi i e famoso dushi Johnny Cake, i pa kada un ku bo kumpra bo ta haña un te di yerba kayente kompletamente grátis. Lamungras, orégano, yerba hole, pues bini. Piki i bai kuné. Kòrda riba e reglanan di corona/higiena i mantené e distansia i bini ku bo tapaboka (mondkapje).
(Iglesia Atventista Mundu Nobo ta banda di Consolador).