Barku di Marina Real ulandes Hr.Ms. Holland a inerseptá 535 kilo di kokaina riba laman

WILLEMSTAD – Fin di luna pasá e barku di Marina Real ulandes Zr.Ms. Holland a interseptá dos lote di kokaina den laman Karibe kaminda e botin tabata komo 535 kilo di e droga.
Pa motibunan deskonosi ta ayera numa – kasi un luna despues – Alto Mando di Marina Real a raportá e kaso.
Den ambos kaso a baha botonan go-fast den laman ganchu pa persigi e botonan ku droga i paranan i den e promé akshon e tripulantenan a tira e paketenan ku droga na laman pero tripulantenan dje botonan go-fast a logra piska nan bèk.
Un otro parti a pèrdè i no tabatin mas droga bordo dje barku.
Di tur manera a arestá e tres tripulantenan ku tabata un venezolano i dos dominikano ku nan a traspasápa pa un barku di Wardakosta merikano ku normalmente ta patruyá den Karibe.
Tabata su siguiente dia – e fecha eksakto no a duna – ku un helikopter di kombate dje barku ulandes a nota presensia di otro go-fast i meskos ku den e kaso anterior, e trafikantenan a purba tira e droga den laman.
Sinembargo den e kaso aki e botonan speshal ku nan tin pa interseptá droga riba laman a yega na tempu i huntu ku un tim di Wardakosta merikano i Korps Mariniers, nan a yega na tempu pa piska tur e droga for di laman.
No a hasi menshon kuantu kontrabandista nan a arestá.
Hr.Ms. Holland ta aktivo speshal pa operashonnan anti droga i pa yuda yudansa humanitario.
Pa hopi aña kaba militarnan i agentenan antidroga ta operá den laman Karibe di forma permanente i di varios nashonalidat pa torpedeá kontrabanda di droga.
Sede di Komando Sur merikano na Florida ta dirigi e akshonnan i resientemente e Komando a haña un komandante nobo den persona i un general femenino.

Zr.Ms. Holland desde mei ta aktivo den region. E barku ta keda desplegá entre otro pa operashonnan kontra droga i ora di yudansa humanitario. Banda di esei tambe e ta keda desplegá pa diferente tareanan di Wardakosta den region Karibe. Tal manera detekshon di peska ilegal, delitonan ambiental i despliegue durante búskeda i reskate.
Mantenshon di órden hurídiko internashonal ta un di e debernan konstitushonal di Defensa.