Bario Ta Di Fiesta: Pabien na “Yuri” i “Panchito”…

Ayera sin duda tabata un dia grandioso pa dos hende, nan famia i amigunan di bario ya ku “Yuri”, yu di “Paisa” i “Panchito” yu di “Hodge” a bisa,”Si !!!”, den Iglesia di La Birgen de Fatima na Suffisant serka Pastor Morrison.

“Yuri” i “Panchito” ambos ta traha den “Nataly’s Grocery” na entrada di Montecarmelo ku a bira manera un Sentro di Bario. Tantu “Yuri”, komo “Panchito” ta hopi stimá serka tur hende, i ayera tabata un dia spesial.

Un pabien grandi pa e pareha hóben aki.

Palabra no mester ta hopi, paso ayera pastor Morrison La Porte a bisa tur kos.

Loke Dios Uni, hende no por kibra hamas. Pabien na “Panchito” i “Yurias” Henriques.