Banko Sentral ta disidi ken ta bira segundo direktor na GI-RO

WILLEMSTAD. Basikamente ta opinion i rekomendashon di Banko Sentral ta guia pa Minister di Finansa nombra e di dos direktor ne organisashon nobo ku a lanta for di e shinishi di Girobank NV bieu.

Esei por destilá for di e korespondensia entre minister di Finansa di STBNO na momento ku e tema di selektá un segundo direktor na GI-RO a subi mesa.

Direktor di STBNO a manda un karta kritiko pa minister di Finansa riba e proseso pa nombra e promé direktor i a puntra kiko e proseso lo ta panombra e di dos direktor.

Komo respuesta minister di Finansa a manda kopia dje karta ku Banko Sentral a manda pe riba e prosedura ku nan a sigi.
Primeramente nan a splika ku ta Banko Sentral tin derechi di postula/nombra e di dos direktor.
Na di dos lugá ku nan no ta mará na reglanan di gobiernu na momento di reklutá i kontratá un funshonario of ehekutivo. Gobiernu tin su prosedura, nan tin nan prosedura pa evalua un kandidato riba su kapasidat.
Pa nombra e promé direktor gobiernu a splika ku nan sistema di selektá un kandidato ta via “Headhunting” i evaluashon dje kandidato.
A traha un lista ku e kandidatonan tambe ku Banko Sentral i a selekta señor Tom Domhof komo direktor.
Ta nombra un dje direktornan riba rekomendashon di Banko Sentral kual ta hasi e selekshon.
Pero hustamente riba e forma ku Banko Sentral a hasi e selekshon i evalukashon STBNO no ta di akuerdo ku Banko Sentral pasobra un selekshon meser ta habrí i transparente.

E hecho ku Banko Sentral no ta apliká e mesun tèrmi di referensia ku gobiernu, no ta nifiká ku nan por pone transparensia un banda.
E transparensia aki ta un ‘must’ pa Kodigo di Bon Gobernashon.