Banko Sentral ta bai pone òrdu na ACU

WILLEMSTAD – Banko Sentral awor ta bai pone ordu na ACU, despues ku ayera Korte a dekreta e Areglo di emergensia pa ACU. E dekreto a tuma luga despwes ku e reunion general i miembronan no a aproba ku restrukturashon dje Koperativa.Hues a indika ku ta kla ku mester restruktura ACU. Esaki ta algu ku e reunion general di e koperativa mes a indika anteriormente
Wes a indika ku ACU banda di ta un koperativa, ta tambe un institushon di kredito, di akuerdo ku e ‘Landsverordering toezicht bank-en kredietwezen (LTBK) i ku konsekuentemente e ta kai bou di regla i kondishonnan di Banko Sentral. E lei aki ta duna Banko Sentral, den kaso di un areglo di emergensia, e permit legal, pa enbes di e miembronan, tuma desishon.
Banko Sentral ta enfatisa ku interes dje 26 mil miembronan dje Koperativa ta para sentral den e ehersisio aki. ACU ta representa un interes di 350 mion florin riba su balans.
Pa basta tempu kaba ACU no a logra restruktura, konforme indikashonnan ku Banko Sentra a duna anterior. Na opinion di korte, esaki ta prueba dje hecho dje indikashon serio ku ACU no tin su maneho interno na ordu. Konsekuensia di esaki ta interes di e 26 mil miembronan, por ta na peliger.