Bandidunan na Haiti a trata na sende edifisio di korte na kandela

PORT AU PRINCE – Roosevelt Zamor fiskal general na e region di Croix-des-Bouquets a konfirmá ku ayera durante oranan di trèmerdia miembronan di e geng 400 Mawozo a trata na sende edifisio di korte na kandela.
Pa suerte tabatin agentenan polisial ku a intervení i asina yama sentrá di Brandweer ku a manda vários Brantspùit ku a bin paga e kandela.
E bandidunan di 400 Mawozo ta realmente kriminalnan sin ningun klase di ekskrupulo debí ku
na komienso di e siman aki nan a asesiná un kapitan di kuerpo polisial na Croix-des-Bouquets.
Un dia despues ku outoridatnan a kaba di atendé ku e kaso di asesinato di e agente polisial e kriminalnan di 400 Mawozo a trata na kima e misa na Croix-des-Bouquets.
Roosevelt Zamor a bisa ku e situashon awor si no ta kontrolabel mas i ta urgí gobièrnu di Haiti pa buska yudansa profeshonal serka Merka i Fransia.
Algun dia despues di presidente Jovenel Moïse e geng 400 Mawozo a bira super violento i a kuminsá ku nan atakenan.
Awor por garantisá ku polis i tampoko militarnan na Haiti no por ku miembronan di e geng kriminal di 400 Mawozo.
Roosevelt Zamor a splika ku no mester lubidá ku tin bastante eks agente polisial ku ta forma parti di e gengnan manera 400 Mawozo.