Banco di Caribe ta ekstendé kampaña di hipoteka

WILLEMSTAD: Bon notisia, pa esnan ku ainda ke probechá di un interes spesial di 4.49% riba hipoteka nobo na Banco di Caribe.
E selebrashon di Banco di Caribe su 49 aniversario ta kontinuá i klientenan tin chèns pa risibí e interes spesial te dia 30 di desèmber 2022. E orguyo di tur suidadano ta pa yega na un propiedat inmóbil; esaki t’e momento pa tur esnan ku tin deseo di kumpra òf traha nan propio kas. No laga pa mañan, loke bo por hasi awe!

Interes super spesial riba hipoteka nobo
Banco di Caribe ta ekstendé su kampaña di hipoteka. Tur persona bibá na Kòrsou òf Boneiru, tantu kliente komo esnan ku no ta kliente (ainda,) por disfrutá di un interes di 4.49% riba hipoteka nobo. Pa kuminsá e proseso di aplikashon, e siguiente dokumentonan ta nesesario: ID bálido, deklarashon di doño di trabou (no mas bieu ku dos siman), dos último slep di salario i estado di kuenta. Aplikando den e periodo di kampaña ta pèrmitíbo spar inmensamente; e pago mensual pa e hipoteka lo ta mas abou ku normal. Ademas di e interes spesial ku Banco di Caribe ta ofresé, tur esnan ku apliká lo risibí benefisionan adishonal manera un periodo di finansiamentu te 35 aña, gastunan di notario inkluí den e hipoteka i mas.
Pa mas informashon i detayenan di e kampaña, tambe pa apliká fásilmente pa bo hipoteka, por bishitá www.bancodicaribe.com.