Banco di Caribe a terminá relashon laboral ku Simon

WILLEMSTAD. Informashon di fuente masha veridiko ku NOBO ta disponé ta indiká ku e frikshon ku ta reina entre e direktor di Banco di Caribe, Fons Simon, i e doño di e banko, Gregory Elias a yega na un kulminashon i ku Simon no ta direktor mas dje banko.
E personal dje banko ta na altura di e desishon aki. Promé ku Simon a drenta den servisio di Banco di Caribe, e tabata traha na ABN-AMRO.
Gregory Elias komo propietario dje banko a haña respaldo dje hunta di komisario pa terminá e relashon laboral ku Fons Simon. Banco di Caribe ta produkto dje koperashon entre e tempu aya de Kort kende pomé ku esei tabata traha pa Banko Maduro, Fifi de Jongh, i e lider sindikal Spencer kendenan a tuma e inisiativa pa bin ku un banko speshalmente pa sirbi interes dje klase trahado. Gerensia di Banco di Caribe ta konsisti ademas di Fons Simon, pa Eduardo de Kort.