Ban keiru Banda Ariba

E grupo ku semper ta biaha huntu den eksterior tabata tin pa basta tempu un trep planeá pa Banda Ariba. Pero dor di Covid 19 nan mester a posponé esaki. Tres siman pasa porfin e trep por a tuma lugá i nan a haña Bruder Fanklin Clemencia dispuesto pa guia nan den e mainta ku nan a bai Banda Ariba.

Banda Ariba ta un parti hopi interesante i nan a bishita diferente lugá entre otro’
Playa Kanoa, Brùg natural , Supladó, Wonderful beach, entrada di St. Joris, Pos Salu, Den Dunki, Caracasbaai Ariba, Caracasbaai Abou i pa terminá e trep nan a bai kome na un restorant na Caracasbaai. Hopi biaha nos no ta realisá kuantu kosnan bunita nos isla tin, ta pa e motibu ei semper bai mi ta purba kompartí ku mi pueblo e kosnan bunita aki.

Playa Kanoa/Brùg i Supladó
Hopi hende ta konfundí Playa Kanoa ku Hala Kanoa. E último aki ta na Steenrijk. Playa Kanoa ta un sitio ku den pasado tabata tin hopi kasitanan ariba i hasta tabata tin un restorant ku tabata bende kref. Ami mes ta kòrda ku tur djaweps tabata dia ku tur hende por a bini pa kome kuantu ku bo ke. Pero manera hopi biaha ta sosodé, esaki no a dura hopi ya ku nos mes hendenan a daña kos. Awor

nita. Ta bon pa menshoná ku formashon di e bahia di Caracasbaai ta kompletamente otro for di e otro playanan na Kòrsou. Nos playanan su formashon ta prinsipalmente pa motibu di eroshon. Playa Caracasbai en kambio su formashon ta produkto di un derumbe masal di tera. E formashon ku tabatatin a skùif bai laman. E piedranan grandi ku nos por mira enter otro hasta Fort Beekenburg ta trahá riba unu hopi grandi, ta restunan di e derumbe aki.

E parti abou di Caracasbaai ta hiba bo kaminda Ántes tankeronan di Shell tabata ankra pa tuma bunker. Tambe for di akinan petroli tabata wòrdu transportá pa e refineria. Aki bou nan tambe tabata tin un famoso Baya Beach, kual riba preshon di Gobièrnu a wòrdu habri pa públiko. No a tarda hopi ya ku poko tempu despues e a dekaí por kompletu. Nos a bishita tambe “directeursbaai”, un lugá eksklusivo kaminda den pasado dirèktùrnan di Shell tabata bin landa.
Despues di Caracasbaai a bira tempu pa bai kome i pa despues terminá e tour pa Banda ariba. Nos a bai kome na un di e restorantnan na Caracasbaai. E kuminda a smak masha bon mes.
E grupo tabata enkantá ku e tour i a gradisí Bruder Clemencia pa e guia perfekto i tur hende a regresá satisfecho bek nan kas.
Pa reakshon : Anthony Haile tel 512 6220 of email : anthonyhaile@yahoo.com