Ayera tardi: Eks direktor di Polis di Honduras tambe a keda ekstraditá pa Merka pa narkotráfiko

TEGUCIGALPA- Den e organisashon di trafikashon di droga na Honduras tabatin bastante hende influyente den komunidat ku a keda ekstraditá pa Merka.
Ayera a toka turno pa Juan Carlos Bonilla eks direktor di kuerpo polisial di Honduras ku a keda ekstraditá pa New York.
Tin indikashon ku Juan Carlos Bonilla tabata esun ku tabata sòru pa e trafikashon di droga na aeropuerto i hafnan keda kontrolá pa su polisnan korupto.
Juan Carlos Bonilla ta keda akusá di konspirashon di trafikashon di droga pa Merka i ayera agentenan di DEA a bin busk’é pa transporte ku avion pa New York.
Te kuné momentunan aki huntu ku eks presidente Juan Orlando Hernández ya kaba tin 31 Hondureño ku a keda husga pa Korte di hustisia na diferente parti di Merka.