Ayera si Cats a bin fuerte: “Otro gai a kanta “Kokoyoko” !!”… Mucha tin di keda mucha !!

• Den e wega djaweps e tim di Marchena Braves a perkurá pa e promé sorpresa grandi di nos baseball lokal ora ku nan a gana di Wild Cats ku skor di 7-0.
Ayera nochi si tabata otro historia ya ku e tim kampeon di Kòrsou a bini duru i dal e muchanan di Gilmar Velder i Eldrion Regina ku skor di 14-6.
Cats a los un ofensiva di 13 hit, enkabesá pa Ulrich Snijders ku a bati di 4-2, ku 3 empuhá, i 3 anotá.
“Joel” Mujica, Risandro Pastor, Ray Michel Brahian de la Maza a empuhá 2 kareda kada un.
Ruderly Manuel a habri pa Cats i tira 5 inning, e la permití 6 hit i 3 kareda. Leito i Rodriguez a finalisá e wega.
Joel Soares a habri pa Marchena, e la tuma 5 kareda den 1.1 di inning.
E tabata wild 5 base por bola. Ayera nochi si, “Ta Otro Gai A Kanta Kokoyoko !!”…