Internashonal
Ayera: Outoridatnan na New York a haña kadaver di tres muhé den un kas
NEW YORK – Eric Adams alkalde di New York a konfirmá ku ayera sentral di polis a risibí diferente yamada indikando ku posiblemente atrakadornan lo a drenta den un kas un famia na Queens i asesiná tres miembro di un famia.
Vários agente polisial a keda dirigí na e kas i na momentu ku tabata bati na porta ningun hende no a kontesta.
Mesora e agentenan a disidí na drenta den e residensia i aki a bin haña nan ku e sorpresa ku tabatin tres muhé di 68,47 i 26 aña di edat morto.
Alkalde Eric Adams a bisa ku e tres muhénan tabata drumi den plas di sanger ku nan mannan mara ku nifiká ku un atrako a keda kometé kontra e famia.
Bisiña nan di e víktimanan a keda den estado di shòk ku lokual a pasa aki ya ku ta trata di tres miembro di un famia ku ta bon mira den e bario di Queens.