Aruba

Ayera mainta tabata turno pa Trahadornan di NV Elmar a bay den accion pa 2 ora

Published

4 years ago

on

ORANJESTAD-Ayera mainta tabata turno pa trahadornan di NV Elmar a bay den accion pa 2 ora. Segun Presidente di e sindicato STA, cu ta representa e trahadornan, Diego de Cuba, a splica motibo, cu t’e trato inhusto pa cu e trahadornan. Entre nan, compensacion pa hustifica e reduccion di pago di salario di 12.6% cu nan no ta hayando, siendo cu cosnan ta drechando na Aruba. Varios compania a cuminsa, segun Diego de Cuba demanda pa recompensa e trahadornan pa cu e reduccion aki. Di acuerdo cu Diego de Cuba, e no ta kere den e structura di Utilities y ta demanda pa cambia e structura aki, cu sigur lo yuda na spaar placa. STA ta bezig ta negocia un CAO nobo, pero a dicidi di para negociacion di CAO pa 2 ora, pa informa e trahadornan di e situacion aki. A pidi un reunion cu Gobierno, gerencia di Elmar y Mediador di Gobierno pa remedia e situacion aki. For di aña pasa mayoria compania a reduci nan salario cu 12.6% segun regla di Hulanda pa Aruba por haya subsidio debi n’e pandemia. Hulanda pues a condiciona e ayudo na cierto medida manera reduccion di salario di 12.6%. NV Elmar tambe a haci esaki. Pero awor STA ta kere cu momento a yega p’e trahadornan haya bek e 12.6% di reduccion di salario y pesey a dicidi di bay den accion. P’awe merdia, gerencia di N.V. Elmar mester contesta Alvast, riba e compensacion aki. Si e reaccion ta negativo. Alvast su miembronan lo bay den accion atrobe.

ORANJESTAD-Ayera mainta tabata turno pa trahadornan di NV Elmar a bay den accion pa 2 ora. Segun Presidente di e sindicato STA, cu ta representa e trahadornan, Diego de Cuba, a splica motibo, cu t’e trato inhusto pa cu e trahadornan.

This content is exclusive for members

Register or login to unlock this article

Related Topics:

Trending

Exit mobile version