Ayera mainta: Nancy Pelosi a inisiá su gira pa Asia sin aklará si elo bishita Taiwán

WASHINGTON – Nancy Pelosi Demokrata presidente di Kongreso na Merka a inisiá su gira ayera pa Asia sin menshoná ku elo bai bishita Taiwan.
E motibu dikon Nancy Pelosi no a menshoná nada di su gira ta debí ku siman pasa un general a menshoná ku si e presidente di Kongreso merikano mester bishita Taiwan nan lo tumba e avion ku elo ta biahando aden.
Nancy Pelosi huntu ku 5 Kongresista ku a kompañ’é lo reuní ku nan koleganan na Singapur, Malasia, Sur Korea i Hapon.
Durante e gira aki tin indikashon ku e intenshon ta pa papia riba un gran variedat di tema entre otro derechonan humano, kambio klimátiko, pandemia di covid-19, komersio i seguridat den e region.
Tin indikashon ku Nancy Pelosi lo biaha den un avion militar i ku lo keda kompaña pa avionnan di kombate di forsa aéreo merikano.