Ayera hurado a deklará: Dos hòmber kulpabel pa konspirá pa sekuestrá gobernadora di Michigan

MICHIGAN – Ayera un hurado federal na estado di Michigan a deklará dos hòmber kulpabel di konspirashon di intento di sekuestro di gobernadora Gretchen Whitmer .
Fiskal general Nils Kessler a presentá sufisiente prueba kontra di e dos hòmbernan identifiká komo Adam Fox i Barry Croft Jr.
Adam Fox i Barry Croft Jr. a planeá pa sekuestrá gobernadora Gretchen Whitmer na su residensia na Michigan.
Pa suerte servisio di inteligensia na Michigan a logra haña informashon ku komo Adam Fox y Barry Croft Jr tabata buskando informashon na unda Gretchen Whitmer tabata bai pasa fin di siman na aña 2020.
Gobernadora Gretchen Whitmer a keda alerta i asina agentenan federal a logra detené Adam Fox i Barry Croft Jr.
Finalmente despues di dos aña Adam Fox i Barry Croft Jr lo bai keda kondena i sin duda ku ámbos pasa bastante aña tras di trali.
Fiskal general Nils Kessler a bisa ku tipo hende manera Adam Fox i Barry Croft Jr. mester siña nan lès i respetá outoridat.