Ayera durante oranan di mainta: Nort Korea a lansa ocho misil balístiko den direkshon di laman di Hapon

PYONGYANG – Sung Kim enviado espesial pa Nort Korea a konfirmá ku djadumingu mainta un total di 8 misil balistiko di largo alkanse a keda lansa for di un base militar na Punggye-ri.
Kim Jong Un diktador di Nort Korea a ordená pa lansa e misilnan i ku a bai kai den awanan teritorial di Hapon. Ekspertonan ta indiká ku lokual ku Nort Korea ta hasiendo aki ta provokando Merka i Hapon.
Tin indikashon ku ta manera e portavion Ronald Reagan a kaba ku su entrenamentu i bandoná awanan teritorial di Sur Korea un dia despues Nort Korea a lansa e 8 misilnan balistikonan aki.
Ekspertonan ta afirmá ku e maniobranan di diktador Kim Jong Un tin komo ophetivo pa forsa Merka aseptá Nort Korea komo un potensia nuklear i kuminsá kita sanshonnan ekonómiko.