Ayanna Williams, Reina di uña a kòrta nan porfin

TEXAS – Resientemente Ayanna Williams a tuma e desishon na kòrta su uñanan ku e la kuida pa kasi 30 aña largu. Williams ku ta biba na Texas US a kibra e rèkort na 2017 temporada ku nan tabata midi 19 pia (575.4cm), segun Guinness World Records. Prome ku a korta nan resientemente, Williams a laga midinan un biaha mas di kual nan medida final tabata di 24 pia (733,55 cm).
Su manikurista a usa tres pa kuater boter di rushi uña i a tarda algún dia pa un tratamentu final prome ku e la bai un dermatólogo na Fort Worth, Texas unda un di e empleadonan a usa un mashin di sleip i a korta su uñanan. Ta for di 1990 tabata e ultimo biaha ku Williams a korta nan. E buki di rekort mundial Guinness a ratifika ku 733,55 a bira e medida mas largu pa uñanan di un persona na su mannan.

“Ku of sin mi uñanan, mi ta keda e Reina. Uña no ta hasi’mi, Ami ta hasi nan”, asina Williams a bisa Guinness.
Antes Williams no por a hasi trabounan simpel manera laba tayo of drecha kama, pero awor aki poko poko tur kos a bira mas fasil.
Según Guinness, e uñanan di Ayanna Williams ta bai keda konserva i esnan ku kier mira nan por bishita e Museo di Orlando, Florida.