Awe mardugá: Tabatin un Teremoto na Afganistan ku a laga un saldo di 920 morto i 610 herido

KABUL – Sharafudín Muslim minister enkargá ku e kartera di Interior na Afganistan a konfirmá den un rueda di prensa awe mainta ku un teremoto di magnitut 6.1 Richter a keda registrá na e provinsia di Jost. E teremoto tabata fuerte ku ela basha un kantidat di edifisionan bieu den otro. Den e edifisionan aki tabatin hende ta biba aden ku konsekuensia ku un saldo di 920 hende a muri i 610 hende a keda herida.
E distritonan na Jost ku a keda mas afektá ta na Barmala, Ziruk, Naka, Gayan i Paktika.
Sharafudín Muslim a bisa ku e sifra di mortonan aki lo por oumentá debí ku tin hopi edifisio ku ta keda usa komo apartamento ku ta den estado di ruina.