Awe mainta: Teremoto di magnitut di 7.1 riba eskala di richter a impakta Manila

MANILA – Benjamin Abalos Jr. minister enkargá ku e kartera di relashonnan Interior na Filipinas a konfirmá ku awe mainta alrededor di 8:43 am un teremoto di magnitut di 7.1 riba eskala di richter a impakta Manila.
Konsekuensia di e impakto fuerte aki a pone ku 6 persona a muri i 63 mester a haña tratamentu médiko.
Pa lokual ta daño ku e teremoto aki a hasi na Manila ta bastante ya ku kayanan a sker, sentenáres di kas a kai den tres brùg a kolèps i un hospital na Abra tambe a kolèps kai den otro.
E parti positivo di e kaso na e hospital ta ku ningun hende a resultá herida. Benjamin Abalos Jr. a splika ku lokual ku lo bai tuma lugá awor ta ku gobièrnu lo mester bai hasi un inventario pa wak kuantu daño e teremoto aki a laga atras.
Renato U. Solidum Jr. direktor di Phivolcs (Philippines Institute of Volcanology and Seismology) a bisa ku no tin ningun alerta di tsunami.