Awe Boeing nobo ‘usá’ di SLM ta re-inougurá ruta PBM-CUR

PARAMARIBO — Awe SLM – Surinaamse Luchtvaartmaatschappij – lo ‘inougurá su avion ‘nobo’ (konstrui 23 aña pasá) Boeing 737-800 riba e ruta Paramaribo, Kòrsou i Aruba. Nan a batisa e avion ‘Sabaku’ ku ta e para nashonal di Surnam.
SLM huntu u Departamento di Aviashon Sivil di Surnam a finalisá e papeleo nesesario korektamente pa e avion por bula den espasio aereo di nos pais, Boneireu i Aruba. for di ayera nan tabata riba konteo final i no menos ku tres religioso di diferente religion a b batisá e avion.
Gerensia di SLM a anunsia ku nan lo mehorá servisio na nan klientenan ku e avion aki i presidente Chandrikapersad Santokhi for di dia ku ela bira presidente a kompromete su mes ku personal dje kompania pa sana SLM.
E desishon pa gobiernu mes eksplotá e avion pa e rutanan regional ta kuadra kuj plan di gobiernu. E proksimo paso ta pa kumpra un avion ku por kubri e ruta Mid-
Atlantiko ku lo a sea Airbus of Boeing 777.