Áwaseru torensial na parti nortost di Brazil a laga kompletamente inundá

BRAZILIA – Paulo Câmara gobernador na Recife a deklará Pernambuco estado di emergensia debí ku durante algun dia kaba áwaseru torensial a asotá gran parti di estado aki.
Daniel Ferreira ku ta Minister enkargá ku estadonan regional na Brazil a indika ku lokual a pasa na Pernambuco ta realmente un tragedia.
Kasnan fábrika den favelanan den seru práktikamente gran parti di nan a keda plama for di otro ku e avalancha di lobo ku tabata bin abou di e serunan.
Te ku awe mainta a reportá ku tin 3.900 hende ku nan kasnan a keda laba ku lodo, 56 persona registrá desaparesé i 25 persona a keda interná den hospital.
Daniel Ferreira a splika ku presidente Jair Bolsonaro a manda militarnan bin yuda ku asistensia pa buska i reskatá habitantenan na Pernambuco.
E parti mas difísil di e situashon aki ta ku áwaseru ta sigi kai i ku ta pone bida di hasta e reskatistanan na peliger.
Lokual ku ta straño di e asuntu aki ta ku no ta normal ku durante e periodo di aña aki tin asina tantu áwaseru ta kai segun departamentu di meteologia na Brazil.