Áwaseru torensial na India a laga un saldo di 16 morto

NEW DELHI – Durante último 5 dianan konsekutivo áwaseru torensial a bin ta kai na e estadonan Indio ku yama Assam i Meghalaya.
Konsekuensia di e kambio klimatiko aki a trese kuné ku gran parti di e zona pobla na Assam i Meghalaya a keda kompletamente inundá.
Outoridatnan na Assam a indika ku 19.782 hèktar di kultivo a keda inundá pa áwaseru ku a bin ta kai.
Regional di Guwahati ta poko probabel ku áwaseru lo bai stop di kai den próksimo dianan.
E parti mas tristu di lokual ta pasando ta ku 16 hende a muri hoga i tin míles di hende damnifika.