AVP ta propone ayudo financiero pa muchanan cu handicap bou di 16 aña

ORANJESTAD-E miembronan di fraccion di AVP den Parlamento, líder fracción mr. Mike Eman y sra. drs. Melvin Wyatt-Ras, a entrega na Presidente di Parlamento, mr. Edgard Vrolijk un proposicion pa amplia e ley di ayudo financiero pa hende cu un handicap, pa muchanan bou di 16 aña tambe por bin na remarca pa ayudo aki. Aworaki e ley ta duna e posibilidad solamente na hende riba e edad di 16 aña.