Avionnan di kombate Ruso a ataka di dos refineria mas grandi na Ukrania

MOSKU – Ta manera a keda premirá Rusia lo bai sigi intensiva su atakenan kontra Ukrania i e biaha aki a skohe pa destruí e di dos refineria mas grandi i importante di e pais.
E refineria ku avionnan di kombate Ruso a destruí ta keda na e lokalidat di Lisichansk ku ta serka di e provinsia oriental ku yama Lugansk. Ludmyla Denisova defensor di pueblo Ukraniano a splika ku avionnan di kombate Ruso a dura aproksimadamente 10 minüt ku atakenan intensivo na e instalashonnan industrial i refineria na Lisichansk. Aparentemente tabatin bastante empleadonan di e refineria ku a keda reportá desaparesé ya ku e atakenan tabata di sorpresa. Ludmyla Denisova a splika ku no tin duda ku e ofensiva Ruso lo bai sigi destruí otro refinerianan na Ukrania ku ta suministrá avionnan di kombate ku jetfuel i kombustibel pa tankinan di gera i otro vehíkulonan ku ta keda usa pa kontra ataka avionnan Ruso via aéreo.