Avioneta ku aterisá di emergensia riba karetera na Key Biscayne

MIAMI – Djasabra den oranan di trèmerdia toren di kontrol na aeropuerto di Miami a haña notifikashon di emergensia di un piloto ku tabata bula avioneta ku 3 persona abordo.
E piloto di e avioneta a notifiká toren di kontrol ku ela trata na aterisá e aparato riba Rickenbacker Causeway ku ta keda na e isla di Key Biscayne.
Pa esnan ku no ta na altura Key Biscayne ta un isla kaminda hendenan ku hopi plaka ta biba.
Esaki ta nifiká ku mesora a saka helikòpter i ambulans i tur klase di medida pa atendé ku e situashon.
Lokual a pasa ta durante aterisahe hala di e avioneta a dal den un bus di sightseeing ku tabatin 30 pasahero abordo.
Pa suerte no tabatin ningun herido den e insidente aki.