Avion komersial ku 22 okupante abordo a disparsé na Nepal

NEPAL – Phanindra Mani Pokharel bosero di Ministerio di Interior na Nepal a konfirmá ku ayera durante oranan di mainta un avion komersial ku 22 okupante abordo a disparsé.
E kapitan di e avioneta a keda rekomendá pa no realisá e buelo debí na mal tempu pero pasaheronan a pone preshon pa hasi esaki tòg.
Toren di control na Nepal a pèrdè kontakto ku e pilotonan ku tabata bula un avion Twin Otter ku 22 okupante abordo ku tabata pertenesé na e kompania Tara Air.
E avion Twin Otter pertenesiente a lanta buelo na e aeropuerto ku yama Jomsom Pokhara i tabatin komo 20 minüt den aire pa sightseeing riba Himalaya.
Phanindra Mani Pokharel a splika ku nan ta kalkulá ku e avion a kai den un zona di selva i ku ta solamente helikòpter por realisá reskate.