Avianca kier kuminsá ku vuelonan Komersial diario bek pa Caracas

BOGOTA – For di momentu ku presidente Joe Biden a kuminsá suavisá medidanan kontra di e régimen di Maduro mesora kompanianan di aviashon ku tabatin kustumber pa bula pa Venezuela a tuma kontakto ku e Ministerio di Turismo pa reanudá ku vuelonan.
Den e kaso aki un di e kompanianan ku a hasi un petishon kaba i ku kier kuminsá bula di inmediato pa Caracas ta Avianca.
Tin indikashon ku Avianca a kanselá tur su vuelonan pa Caracas for di dia 27 di yüli di aña 2017.
Ta trata aki di un periodo di kaso 5 aña ku no tin vuelonan entre ningun parti di Colombia pa Caracas.
Otro kompanianan di aviashon ku a stòp di bula pa Caracas tabata Air Canada, Alitalia, Lufthansa, Latam, Aeroméxico, Gol, Tiara Air i United Airlines.
Ta parse ku tur kier reanudá ku nan vuelonan pa Caracas debí ku nan tabata hasi tremendo negoshi.