AUTOBUSBEDRIJF CURAÇAO A LANSA NAN MOBILE APP “ABC CURAÇAO” pa e plataforma di iOS

Willemstad – Djabièrnè 16 di yüli ultimo Autobusbedrijf Curaçao (ABC) a selebrá e echo ku su mobile app krea dor di ITS Caribbean & Latin America ta aksesibel awor tambe riba e plataforma di iOS. Tur usuario por download e app di ABC ku yama “ABC Curaçao” tantu riba play store komo riba app store. E mobile app aki ta kontene informashon di tur ruta di ABC, orario di salida, mapa di e rutanan i tambe tantu turista komo usuario lokal por plania un ruta i biaha den konvoi di ABC di banda ariba te banda bou. Hasiendo ABC awor mas aksesibel.