Atraco riba You Kang Foodmart

ORANJESTAD-Pa 3.08 pm Central di Polis ta wordo notifica di un atraco cu a caba di tuma lugar na You Kang Foodmart situa den Alablancastraat, na Simeon Antonio.

Ta manda un patruya di biaha y na unda na su yegada por a bin compronde cu un rato prome un atraco a tuma lugar. Ta trata di 1 hende homber bisti den un coverall, cara tapa y cu arma di candela den man a drenta e minimarket y a exigi tur placa.

Atraco Team a presenta n’e sitio pa haci nan investigacion. Tambe Polis Tecnico a yega y Slachtofferhulp.

Cuerpo Policial ta pidi un biaha mas esnan cu tin informacion yama e tiplijjn di Polis cu ta 11141. Bo ta garantisa di keda anonimo y asina hunto soluciona e caso aki tambe.