Internashonal
Atentado terorista: Na un Moské na Afganistan a laga un saldo di 18 morto i 23 herido
KABUL – Hamidullah Motawakil bosero di gobernador na Herat a konfirmá ku ayera den oranan di trèmerdia un terorista ku su kurpa fura na dinamitá a kana drenta den un Moské i rementá su mes.
E ophetivo di e akto terorista aki tabata pa likidá e konosido lider religioso Islámiko Taliban ku yama Mujibur Rahman Ansari.
Hamidullah Motawakil a splika ku e atentado terorista aki a pone ku un total di 18 hende a pèrdè nan bida i 23 a resultá gravemente herida.
Entre e hendenan ku a fayesé tabatin bastante adolesente ku tabata kompania nan mayornan den e Moské. Mujibur Rahman Ansari tabata un lider religioso ku tabata prediká ku tur esnan ku ta kontra e aktual gobiernu Taliban mester keda dekapitá.
Tipo di ekspreshonnan asina ta motibu dikon Mujibur Rahman Ansari a keda asesiná.