Internashonal
Atake ku eksplosivo a laga un saldo di 4 morto i 2 herido na Colombia
BOGOTA – E fecha pa skohe un presidente nobo na Colombia ta aserkando pero e geriyeronan ku tin den e pais ta rebeldiando ku atakenan terorista.
Teniendo kuenta ku esaki ayera un artefakto eksplosivo a keda aktivá den un vehíkulo di tres wil ku ta keda usa komo taksi riba via públiko na Cartagena.
Resultado di e eksploshon aki tabatin komo konsekuensia ku kuater persona a pèrdè nan bida miéntras 2 persona a resultá gravemente herida.
E insidente lamentabel aki a tuma luga na e munisipio di Cartagena del Chairá Caquetá.
Diego Molano Minister enkargá ku e kartera di defensa na Colombia a kondena a e atake terorista aki.
Tin sospecho fuerte ku ta integrantenan di e organisashon terorista di FARC (Fuerzas Armadas Revolucionarias de Colombia) lo ta esnan ku a kometé e krímen aki.
Teniendo kuenta ku lokual a pasa aki presidente Ivan Duque a duna òrdu pa intensiva seguridat na tur skina no solamente na Cartagena sino ta tur suidat na Colombia.
Esaki ta pa evitá ku kosnan lo sali for di man den rekta final di dianan di e fecha di dianan di elekshon presidensial na Colombia.