Asosashon di Restorant (CRA) a reuní ku Meo

Resientemente, algun miembro di direktiva di Asosashon di Restorantnan a tene un reunion na ofisina di MEO. Aki a delibera ku algun representante di e tim di MEO riba estado di legalisashon nobo di petishon di pèrmit, guianan kla pa legalisashon i aplikashon, oumento di preisnan i posishon kompetitiva di Kòrsou, kompará ku e region/otro isla nan den Karibe. Tambe a trese dilanti e sistema di kontrol (handhaving) kual ta tumando luga. E tim di MEO a duna un splikashon ekstenso i a interkambiá diferente idea ku e tim di MEO. Tambe a palabrá ku ta sigui reuní kada kuartal. E bishita tabata un ameno i CRA ta gradisí e Tim di MEO pa por a risibí nos.