Asesino ta muri despues di dera su frei ku ela strangula

SOUTH CAROLINA – Kapitan Chris Cowan direktor di kuerpo polisial na South Carolina a konfirmá durante rueda di prensa ayera riba un kaso estilo pelíkula di Hollywood kaminda un hòmber a strangula su frei i na momentu ku e tabata koba un buraku pa bente aden e mes a haña ataka di kurason i fayesé.
Kapitan Chris Cowan a splika ku e asesino identifiká komo Joseph Anthony McKinnon (60) a strangula su frei
identifiká komo Patricia Ruth Dent (65).
Bisiñanan a nota ku Joseph Anthony McKinnon tabata kobando un buraku den su kura den oranan lat di anochi.
Konstantemente e tabata sende i paga un lampi di lus pa wak ta kon hundu e buraku ku e tabata koba ta segun testigunan.
Na dado momentu Joseph Anthony McKinnon a kana bai den kas i a sali ta lastra un saku ku tabatin kadaver di Patricia Ruth Dent aden.
Joseph Anthony McKinnon a logra tira e kadaver di Patricia Ruth Dent den e buraku pero na momentu ku
e tabata tapando esaki bek ku tera ela haña ataka di kurason.
Na momentu ku bisiñanan a wak Joseph Anthony McKinnon benta abou a yama polis mesora pa bin atendé ku e situashon.
Na momentu ku polis a yega a konstatá ku Joseph Anthony McKinnon a muri i a haña e kadaver di Patricia Ruth Dent strangula lora den un saku.