Asesino di supermerkado: Na Buffalo a presentá ayera pa promé biaha dilanti un wes federal

BUFFALO – Payton Gendron (18) hóben blanku ku a asesiná dies persona pretu na luna di Mei último na un supermerkado na Buffalo a presentá ayera dilanti wes
H. Kenneth Schroeder.
Durante e oudiensia di Payton Gendron wes H. Kenneth Schroeder a puntra e akusado si e ta interesá den un abogado pa defendé konsiderando ku e tabatin mas ku 1 aña sin trabou i ku tabatin solamente $18 riba su kuenta di banko. Wes H. Kenneth Schroeder a splika Payton Gendron ku e ta na altura ku ta den kuantu problema ela hinka su kurpa aden matando 10 persona ku tabata na e supermerkado di Buffalo ta hasi nan kompras.
Teniendo kuenta ku Payton Gendron no tin ningun manera pa paga un abogado lo buska un abogado pa defendé.
Wes H. Kenneth Schroeder a splika Payton Gendron ku ela kometé 13 krímen di odio i 13 delito.
Esaki lo por tin komo konsekuensia ku si hurado disidí na kulpa Payton Gendron pa e kaso di odio aki elo por konta ku elo haña kastigu di morto of bida largu den prizon.