Aruba One Happy Island Lions Club y Delta Aruba Leo Club cu donacion di 65 tas pa scol

ORANJESTAD-Den e ultimo weekend di augustus Aruba One Happy Island Lions Club y Delta Aruba Leo Club a haci entrega di un total di 65 schooltas.

Tur tas a wordo yena cu utilnan escolar manera schrift, pen, potlood, etui, slijper, binders, schoolmappen, etc.

Sigur den e aña cu a caba di pasa unda hopi famia a perde entrada dor di pandemia e demanda pa haya ayudo di nos club tabata hopi grandi.
Nos kier a gradici tur nos miembronan cu a coopera pa parti e tasnan den tur bario di Aruba, tambe na tur esnan cu a haci donacion riba nos cuenta di banco, nos sponsornan y p’esnan cu e prome 2 diasabra nan di augustus a haci donacion durante e 2 eventonan di recoleccion di fondo cu nos a organisa na rotonde di Tanki Flip.

Sin boso ayuda esaki no por tabata posibel.