Apesar di promesa di Maduro: Gobiernu venezolano no a tuma kontakto ku nos gobiernu pa inmortalisá Carlos Piar

WILLEMSTAD. Kousa Promé a tuma nota ku pa e echo históriko i patriótiko importante aki gobièrnu di Venezuela aparentemente no a tuma kontakto ofisial ku gobièrnu di Kòrsou. Kousa Promé ta di opinion ku un akto asina importante ku ta bai tuma lugá ku un héroe yu di Kòrsou ta hustifiká i legitimá embolbimentu determinante i ofisial di gobiernu di Kòrsou komo uniko representante legal i legítimo di pueblo di Korsou kaminda Manuel Carlos Piar tabata forma parti. Relashoná ku e preokupashon aki nos ta hasi e pregunta i rekomendashonnan athunto na bo persona komo e representante maksimo di gobiernu di Korsou. Komo parti di e pueblo di Korsou Kousa Promé ta sinti su mes obligá pa sali dilanti pa buska i trese klaridat pa nos pueblo. Ta trata di un evento historiko ku ta toka Korsou, tur yu di Korsou i kaminda nòmber di Kòrsou lo mester resoná en grande den historia general di liberashon di Gran Colombia for di Spaña.