Apertura ofisial di Food Rock Bar Restaurant

Gosieweg – Djasabra último tabatin apertura ofisial di “Food Rock Bar Restaurant situa riba Gosieweg. Den un ambiente ameno, Cor a risibí su invitadonan i klientenan, unda por a sera konosí ku e patio den kura patras bou di palunan di sombra.

Food Rock ya tin un temporada ta duna servisio, pero dor di e pandemia di Covid-19 e parti apertura ofisial no por a tuma lugá. Awor den e normal nobo i siguiendo ku e seguridat di hygiena un i tur por pasa un ratu agradabel i sosialisá trankil.
Komo cherry riba e bolo, tur presente por a gosa di e ocho golnan ku Kòrsou su selekshon a hinka kontra esun di Virgin Island.