Apelashon riba mayornan pa laga bakuná nan yunan

WILLEMSTAD — Djasabra dia 1 di Désèmber 2018 awor, gobiernu ta bolbe organisá un di dos kampaña di bakunashon pa mucha di 0 pa 18 aña. Mayornan por bini ku nan yunan ku falta bakuna na dos ofisina di konsulta di Departamentu Salú Hubenil ku ta na Janwe(Cederstraat) i na Kas Chikitu i tambe na un ofisina di konsulta di Wit Gele Kruis na Sta. Maria. E orario na tur tres lokashon lo ta di 8 or di mainta pa 12 or di mèrdia.