Anunsiá e Bon Notisia

Nos ta anunsiá e Bon Notisia di Hesus
ora nos ta sigui pasonan
di su práktika konkreto
i nos bida ta duna testimonio
di e Reino ku Dios ke pa tur hende.

Nos ta anunsiá e Bon Notisia di Hesus
ora nos ta biba pa otronan,
ora nos ta interesá loke ta pasa ku e otro,
ora nos ta sinti e sufrimentu ageno komo propio,
ora e otro ta ruman
maske nos no konos’é.

Nos ta anunsiá e Bon Notisia di Hesus
ora nos ta komprometé nos pa bida,
ora nos ta lucha pa hustisia,
ora nos ta konstruí pas i armonia,
ora nos ta rebelá dilanti inhustisia
i ta purba n aportá nos granito di arena
p’asina ku mundu ta kambia.

Nos ta anunsiá e Bon Notisia di Hesus
ora nos ta tribi di bini huntu,
ora nos ta kuminsá na kompartí,
ora nos ta siña huntu,
ora nos ta superá e diferensianan
i nos ta animá pa biba
e aventura di komunidat,
i kana den e pasonan di Hesus.

Nos ta anunsiá e Bon Notisia di Hesus
ora nos ta preokupá nos
pa e problemanan di e tera akí,
ora nos tin e mirada atento
pa mira Dios ku ta papia den bida,
ora nos ta laga nan interogá nos
pa e marcha di historia
i huntu nos ta buska diserní
loke Dios ke,
su boluntat den nos tempu.

Nos ta anunsiá e Bon Notisia di Hesus
ora nos ta pone nos eksistensia
na servisio di su proyekto,
manera Maria a hasié
hasiendo su boluntat,
bibando su Palabra,
konstruyendo su Proyekto
ku nos aporte.

Nos ta anunsiá e Bon Notisia di Hesus
ora nos ta konfia ku E ta biba
i lo duna nos e forsanan nesesario,
lo papia den nos boka
i lo aktua atraves di nos mannan,
si nos biba segun su Spiritu,
animá pa speransa
ku un mundu mihó ta posibel
si kada un ta kuminsá na konstruyé ya,
i esaki sí ku ta un Bon Notisia pa tur hende!

Marcelo A. Murúa