Antony Blinken ta garantisá ku Rusia ta para suministro di gas no pa sanshon

WASHINGTON – Antony Blinken sekretario di estado merikano ta garantisá ku Rusia a para ku suministro di gas pa paisnan den Union Europeo no pa motibu di sanshonnan imponé sino pa otro motibu.
E motibu real dikon segun Antony Blinken ku Rusia a para ku entrega di gas di Nord Stream 1 pa paisnan den Union Europeo ta debí ku Merka a bai lobby i logra konvensé paisnan ku ta forma parti di OPEP pa oumentá nan produkshon di petrolio i gas.
Esaki a drenta den efekto i ku ta dunando resultado ku pronto Rusia por keda ku su gas i petrolio i wak na unda nan lo bai abastesenan.
Antony Blinken a bisa ku Merka i Paisnan den Union Europeo ta trahando duru pa durante momento periodo di friu yega tin sufisiente reserva di gas.
Paisnan miembro di OPEP a garantisá ku nan lo por suministrá Europa ku sufisiente gas na líkido.
Antony Blinken a indiká tambe ku atministrashon di Biden a soru pa Chevron i otro kompanianan petrolero merikano haña nan pèrmitnan bek pa sigi traha na Venezuela ku tin e reservanan di gas i petrolio muchu mas grandi ku Rusia.