Antony Blinken a urgí: Paisnan Sentroamerikano pa defendé Demokrasia i kombatí korupshon

SAN JOSE – Carlos Alvarado presidente di Costa Rica a risibí Antony Blinken na kas presidensial na San Jose i despues huntu a bai na reunion di Sica.
Antony Blinken sekretario di Estado Merikano a partisipá ayera pa promé biaha den e reunion di Sica (Sistema de Integración Centroamericana) ku a keda selebrá na Costa Rica.
Miembronan di Sica ta paisnan manera Costa Rica, Belice, Guatemala, Honduras, Nicaragua, Panama, Repúblika Dominikana i Salvador.
E meta di e promé reunion aki ta pa e paisnan aki huntu ku Merka yega na un akuerdo riba komersio bilateral.
Durante e reunion Antony Blinken a urgí lidernan di e paisnan miembronan di Sica pa defendé Demokrasia i buska manera pa kombatí korupshon.
Antony Blinken a splika ku un di e problemanan grandi ku mayoria di e paisnan di Amérika Latina i Sentral ta konfrontá kuné ta korupshon i malversashon di fondonan públiko.
E meta prinsipal di e bishita ofisial di Antony Blinken ta pa wak kiko realmente e gobièrnunan di Amérika Sentral mester pa asina por asistí ku yudansa.